बलेफी हाईड्रोपावर कम्पनी लिमिटेडले आयोजना प्रभावित क्षेत्र सिन्धुपाल्चोक जिल्लाको जुगर गाउँपालिका वडा नं. २, ३, ४ का स्थानीयका लागि आईपीओ जारी गर्ने भएको छ । कम्पनिले आगामी २७ माघदेखि साधारण शेयर (आईपीओ) जारी गर्ने भएको हो ।
कम्पनीले १८ लाख २७ हजार ९७० कित्ता आईपीओ निष्कासन गर्नेछ । आईपीओ निष्कासन बन्द छिटोमा फागुन १२ गते हुनेछ भने उक्त समयमा पूर्ण आवेदन नपरेमा फागुन २७ गते सम्म खुला रहनेछ ।
निष्कासन गरिने कुल शेयरमध्ये ६० प्रतिशत अर्थात् १० लाख ९६ हजार ७८२ कित्ता आयोजना प्रभावित क्षेत्र बासिन्दाहरुका लागि र बाँकी ४० प्रतिशत अर्थात ७ लाख ३१ हजार १८८ कित्ता जुगल गाउँपालिका वडा नं. ५ र ७, बलेफी गाउँपालिकाको वडा नं. १, ३, ६ तथा ७ र सुनकोशी गाउँपालिकाको वडा नं. ७ का बासिन्दाहरुका लागि निष्कासन गर्न लागेको हो ।
आईपीओमा कुमारी बैंकको जलविरे शाखा, एनसिसि बैंकको बाँडे शाखा, ग्लोबल आइएमए बैंकको चौतारा शाखा, लक्ष्मी बैंकको चौतारा र खाडीचौर शाखा कार्यालयबाट आवेदन दिन सकिने कम्पनीले बताएको छ ।
