दोस्रो संस्करणको टाइगर कप पुरूष तथा महिला आमन्त्रण भलिबल प्रतियोगितामा राष्ट्रिय महिला टिमकी कप्तान अरुणा शाही खेल्ने भएकी छन् ।
मंगलबारदेखि सुरु हुने प्रतियोगितामा यसपटक महिला र पुरुष दुवैमा एक एक टिम थप गरिएको छ । जसमध्ये अरुणाले गण्डकी टिमको कप्तानी गर्नेछिन् । गतवर्ष भएको पहिलो पहिलो संस्करणमा स्थानिय टिम नहुँदा अरुणाले अरु नै टिमबाट खेल्नुपरेको थियो । खेल टाइगर ग्रुप अफ पोखराको आयोजनामा हुदैछ ।
प्रतियोगिताको महिला र पुरुष दुवैको विजेताले नगद ३-३ लाख तथा उपविजेताले समान १ लाख ५० हजार रुपैयाँ प्राप्त गर्नेछन् ।तेस्रो हुनेले ७५ हजार तथा सान्त्वना हुने टिमले ३५ हजार रुपैयाँ प्राप्त गर्नेछन् । प्रतियोगिताको टिकट दर भने २ सय र ३ सय रुपैयाँ तोकिएको छ ।
