नेकपा माओवादी केन्द्रको स्थायी कमिटी बैठक आज दिउँसो एक बजे बस्दैछ। पार्टी मुख्यालय पेरिसडाँडामा बस्ने बैठकमा समसामयिक राजनीतिका विषयमा छलफल हुनेछ। यस्तै आजको बैठकमा संसद अधिवेशन अन्त्यपछिको अवस्था र पार्टीको सांगठनिक गतिविधिका छलफल हुने स्थायी कमिटि सदस्य गणेश साहले सेतोपाटीलाई जानकारी दिए।
सोमबार राष्ट्रपति विद्यादेवी भण्डारीले हठात अधिवेशन अन्त्य भएको पत्र सभामुख अग्नि सापकोटालाई पठाएकी थिइन् ।
माओवादीले पार्टीको सांगठानिक संरचनाबारे निर्णय लिन २० गते केन्द्रीय कमिटी बैठक बोलाएको छ । साहले आज र भोलि स्थायी कमिटी बैठक बसेर केन्द्रीय कमिटी बैठकका एजेन्डा तय गरिने जानकारी दिए ।
बैठकमा सरकारमा पठाउने मन्त्रीहरूबारे पनि छलफल हुनेछ ।
