काठमाडौंमा बुधबार बिहानै भूकम्पको धक्का महसुस भएको छ ।
राष्ट्रिय भूकम्प मापन केन्द्रका अनुसार लमजुङ केन्द्रसबिन्दु बनाएर भूकम्प गएको हो । बुधबार बिहान ५ बजेर ४२ मिनेट जाँदा लमजुङको भुलभुले आसपास केन्द्रबिन्दु बनाएर ५.८ रेक्टर स्केलको भूकम्प गएको केन्द्रले जनाएको छ ।
भूकम्पको धक्का काठमाडौं उपत्यका, लमजुङका छिमेकी जिल्ला तनहुँ, गोरखा, कास्कीलगायतमा समेत महसुस गरिएको थियो । भूकम्पबाट के कति क्षति भयो भन्ने जानकारी आएको छैन ।
