मंसिर २३ – प्रधानमन्त्री केपी शर्मा ओलीले सर्वदलीय बैठक बोलाएका छन्। बालुवाटार स्रोतका अनुसार प्रधानमन्त्री ओलीले राजतन्त्रवादी शक्तिहरूको बढ्दो विरोध लगायतका बिभिन्न विषयहरुमा छलफल गर्न बैठक बोलाएका छन। प्रधानमन्त्रीका प्रेस सल्लाहकार सूर्य थापाका अनुसार यो बैठक मंगलबार बिहान ११ बजे बालुवाटारमा हुनेछ। असमान परिस्थितिमा देशले सामना गर्नु परेको अवस्थामा वा सरकारले केही गम्भीर विषयहरूमा सहमति खोज्ने सोचाइ राखेमा सर्वदलीय बैठक बोलाउने अभ्यास भएको छ। सर्वदलीय बैठकले गरेका निर्णयहरू प्रायः राष्ट्रिय चासोका मुद्दाहरूमा राष्ट्रिय एकता सुनिश्चित गर्नका लागि हुन्।
