नेपाल क्रिकेट संघले सोमबार सार्वजनिक गरेको खेल तालिका अनुसार एनपीएलको उद्घाटनका दिन एक खेल मात्र हुनेछ।
उद्घाटन खेलमा विराटनगर किंग्स र जनकपुर बोल्ट्स भिड्ने भएका छन्। मंसिर १५ गते शनिबार हुने उद्घाट खेल दिउँसो सवा १२ बजे सुरु हुनेछ। अन्य दिनमा दुई खेल हुनेछ।
लिग चरणको खेलपछि अंक तालिकाको तेस्रो र चौथो स्थानमा रहने टोलीले एलिमिनेटर खेल्नेछन्। शीर्ष र दोस्रो स्थानमा रहने टोलीले पहिलो क्वालिफायर्स खेल खेल्नेछन्।
पहिलो क्वालिफायर्सको विजेताले सिधै फाइनलमा स्थान बनाउँदा पराजित हुने टोलीले भने दोस्रो क्वालिफायर्स खेल्ने मौका पाउनेछ।
