काभ्रे । लामो समयदेखि अमेरिकामा रहेर नेपालमा समाजसेवामा सक्रिय निरन्तर सक्रिय रहेका समाजसेवी तथा सफल युवा व्यबसायी मेघ सुवेदी संस्थापक अध्यक्ष रहेको सामाजिक संस्था ‘सिजल एन्ड सिस्टर फाउन्डेसन’ले काभ्रेको रोशि गाउँ पालिकाको बाढी, डुबान तथा पहिरोबाट प्रभावित २५० सय भन्दा बढि परिवारका लागि राहत वितरण गरेको छ ।
बाढी तथा डुबानका कारण प्रभावितहरुलाई सिजल एन्ड सिस्टर फाउन्डेसन अमेरिकाको अध्यक्ष तथा समाजसेवी मेघ सेबेदीले पठाएको रकमद्वारा पिडितहरुलाइ ब्लान्केट तथा मानवीय क्षेतिको परिवारलाई १० हजार तथा पुर्ण रुपमा घरवार क्षती भएका परिवारलाई ५ हजार रुपैया नगद समेत हस्तान्तरण गरिएको थियो ।
फाउण्डेसनका नेपाल च्याप्टरको अध्यक्ष तथा नायक सन्जित भन्डारीले कलाकारीता सङगै समाजसेवा गर्न पाउँदा आफु निकै खुशी भएको र आगामी दिनहरुमा पनि सहयोग गर्ने भण्डारीले बताए ।
कार्यक्रम प्रस्तोता तथा पत्रकार समीर लामाको संयोजकत्वमा उक्त राहत बितरण कार्यक्रम भएको थियो । राहत वितरण कार्यक्रममा इन्टरनेसनल वर्ल्ड च्याम्पियनसिप बिजेता जीवन गिरी,गायक,संगीतकार तथा एरेन्जर पुष्कर सुनुवार फाउन्डेसनका अन्य सदस्यहरू राजन भण्डारी ,डिल्लीराम सिग्देल,रुद्र बहादुर खड्का, फोटोग्राफर तथा भिडियो निर्देशक कुबेर तामाङ , छायांकार तथा एडिटर मोहन सुनुवार, गायिका तथा कलाकार सुनिता राई गायक तथा समाजसेवी रुपक खनाल, युवा समाजसेवी सौगात अधिकारी, युवा समाजसेवी जीवन कार्की लगायतका ब्यक्तिहरुको उपस्थिती रहेको थियो ।
स्थानीय तहसँग समन्वय पश्चात सो गाउपालिकाको वडा नम्बर ९,१०,११ र १२ का २५० भन्दा वढि परिवारलाई राहत वितरण गरिएको थियो ।
यस अघि फाउन्डेसनले ५० लाख बराबर रकमको जाजरकोट भुकम्प पीडितलाई समेत राहत बितरण गरिएको थियो । सिन्धुपाल्चोकको मेलम्चीमा भएको वाढिबाट पिडितको संकटमा समेत फाउण्डेसनले लाखौ वरावरको राहत सामाग्री वितरण गरेको थियो ।
देशमा भैपरी आउने आपत विपदमा सदा अग्रसर रहने फाउण्डेसनको उद्देश्य अनुरुप पिडितहरुको लागि तत्तकालै राहत सामाग्रीहरु वितरण गरेर सरकारको भन्दा छिटो राहत उपलव्ध गराउदै आएको रेकर्ड समेत फाउण्डेसनको रहेको संस्थाका नेपाल प्रमुख एवं मोडल समेत रहेका भण्डारीले बताए ।
देशमा विपद परेका बेला हरेक ठाऊमा यो फाउण्डेसन पुग्ने गरेको र कोभिडमा लकडाउनको समयमा बढि भन्दा वढि राहत उपलव्ध गराउदै आएको फाउण्डेसनका सल्लाहकार नर बहादुर कार्कीले बताए ।
रोशी गाउँ पालिकाको वडा न. ९ का वडा अध्यक्ष राजन लामाको उपस्थितीमा राहत वितरण भएको थियो भने अध्यक्ष लामाको भनाइ अनुसार सो फाउण्डेसनले उपलव्ध गराएको राहत सामाग्रीले पालिकाका अधिकाशं पिडितहरु लाभान्वित भएको लामाले बताए ।
फ़ाउण्डेशनले भूटानी शिविरमा वार्षिक रुपमा बिभिन्न कार्यक्रम मार्फत शिक्षा, स्वास्थ्य र जनचेतनामुलक योजनालाई सहयोग पुर्याउदै आएको छ ।
