नेपाल क्लाइम्बिङ स्पोर्टस एसोसिएसन (एनसीएसए) को नेतृत्वमा हरिप्रसाद धरेलले निरन्तरता पाएका छन् ।
संघको छैटौं अधिवेशनबाट धरेलकै नेतृत्वमा नयाँ कार्यसमिति चयन भएको छ ।
वरिष्ठ उपाध्यक्ष रमेश पौडेल, उपाध्यक्षमा सुनारबहादुर गुरुङ निर्वाचित हुँदा ल्हाक्पा शेर्पा उपाध्यक्षमा मनोनित भएका हुन् ।
महासचिव सन्तोष मादेन, सचिवहरु सुजित कंडेल र सन्जिव गुरुङ, कोषाध्यक्ष कान्छी डोल्मा ह्योल्मो, सहकोषाध्यक्ष प्रणिलमान श्रेष्ठ, सदस्यहरुमा अशोक लामा, रामकाजी तिवारी, डोलेन्द्र राज दाहाल, मनराज शिंखडा, राजेश धरेल, मन्जु गिरि, शिव बहादुर सापकोटा निर्वाचित भएका छन् ।
नवनिर्वाचित कार्यसमितिले प्रमुख सल्लाहकारमा गोबिन्द भट्टराई र उप सल्लाहकारमा प्रेमनारायण अधिकारी मनोनित गरेको छ ।
