नेपाल–भारत सीमावर्ती नाका जमुनाहाबाट सशस्त्र प्रहरीले ४२ लाख १२ हजार ९ सय ७ रुपौयाँ बराबरको भन्सार छली नेपाल भित्र्याइएका विभिन्न ब्रान्डका मोबाइलका डिस्प्लेसहित एक भारतीय नागरिकलाई पक्राउ गरेको छ ।
बाँके कोहलपुर नगरपालिका–११ स्थित कृषि चोकमा बुधबार जाँच गर्ने क्रममा भारतको उत्तर प्रदेश बरेलीका विनावेद अलीलाई विभिन्न ब्रान्डका मोबाइल डिस्प्लेसहित पक्राउ गरिएको सशस्त्र प्रहरी बल नेपाल नं ३० गण बाँकेका सूचना अधिकारी एवं प्रहरी नायब उपरीक्षक लक्ष्मण थापाले जानकारी दिए ।
उनका अनुसार पक्राउ परेका अलीले चलाएको से ७ प ८९९९ नं. को मोटरसाइकल जाँच्दा भन्सार छली नेपाल भित्र्याइएको विभिन्न ब्रान्डका मोबाइलका डिस्प्ले फेला परेको हो ।
प्रहरीका अनुसार अलिलाई मोबाइलका डिस्प्लेसहित मोटरसाइकल समेत नियन्त्रणमा लिइ आवश्यक कारबाहीको लागि नेपालगन्ज भन्सार कार्यालय, जमुनाह बाँकेमा पठाइएको छ ।
