बाजुरा जिल्लाको खप्तड छेडेदह गाउँपालिका– ३ र बुढीगंगा नगरपालिका– ४ को बीचमा पर्ने बार्जुगाड नदीमा बगेर एक महिलाको मृत्यु भएको छ।
शनिबार आमाछोरी नदी पार गर्ने क्रममा नाै वर्षीया छोरीलाई खोलाले बगाउन लाग्दा उनलाई बचाउने क्रममा आमाको नदीमा बगेर मृत्यु भएको प्रहरीले जनाएकोे छ। मृत्यु हुनेमा खप्तड छेडेहद– ४ ग्वानीका शंकर बोगटीकी श्रीमती २३ वर्षीया संगीता साउद बोगटी रहेको प्रहरी चौकी टाँटेले जनाएको छ।
खप्तड छेडेदह– ३ टुनिसैननजिकै नदी पार गर्ने क्रममा उनलाई नदीले बगाएको हो। सदरमुकाम मार्तडीबाट घर फर्किँदै गर्दा सो घटना भएको जिल्ला प्रहरी कार्यालय बाजुराले जनाएको छ। खोजतलास गर्ने क्रममा बगेको स्थानबाट करिब २० मिटर तल उनको शव फेला परेको थियो।
