प्रहरीले बागमती प्रदेशको राजधानी हेटौँडामा म्यागजिनसहितको एकथान अटोमेटिक अमेरिकी पेस्तोलसहित एकजनालाई पक्राउ गरेको छ ।
जिल्ला प्रहरी कार्यालय मकवानपुरबाट खटिएको प्रहरी टोलीले हेटौँडा उपमहानगरपालिका– १२ पदमपोखरी भोर्लेका ४४ वर्षीय सुमन भन्ने सुरेश घलानलाई पेस्तोलसहित पक्राउ गरेको हो ।
आइतबार दिउँसो हेटौँडा– ३, सरस्वती पेट्रोलपम्मनजिक पूर्व–पश्चिम सडकखण्डमा हिँडिरहेको अवस्थामा शंका लागी घलानले बोकेको झोला खानतलासी गर्दा पेस्तोल फेला पारेको प्रहरीले जानकारी दिएको छ।
पेस्तोलसहित नियन्त्रणमा लिएका घलानलाई थुनामा राखेर आवश्यक अनुसन्धान प्रक्रिया अघि बढाइएको प्रहरीले जनाएको छ।
