विश्वकप विजेता अर्जेन्टिनी टिमका कप्तान लियोनल मेसीले कतारमा भएको फिफा विश्वकपपछि पहिलो अन्तर्वार्ता दिएका छन् ।
अन्तर्वार्तामा नेदरल्याण्ड्स विरुद्धको क्वाटरफाइनल खेल विवादका बारेमा पनि बोलेका उनले समूह चरणमा खेलिएको मेक्सिको विरुद्धको खेल सबैभन्दा कठिन भएको
बताएका छन् ।
ब्युनर्स आयर्सको रेडियो अर्बाना प्लेसँगको कुराकानीमा मेसीले नेदरल्याण्ड्स विरुद्धकोविवादित क्वाटरफाइनल खेलमा प्रशिक्षक र खेलाडीसँगको व्यवहारका लागि पश्चाताप गरेका छन् ।
‘मैले जे गरेँ त्यो मलाई मन पर्दैन, त्यसपछि के भयो मलाई मन पर्दैन,’ मेसीले भने, ‘यी धेरै तनावका क्षणहरू हुन् । यो धेरै छिटो छ र मानिसहरूले उनीहरूको प्रतिक्रियाको रूपमा प्रतिक्रिया गर्छन् । केही योजनाबद्ध थिएन, यो त्यसै भयो ।’
