मुग्लिन–नारायणगढ सडकखण्डमा ठाउँठाउमा पहिरो गएपछि सवारी साधन बाटोमै रोकिएका छन् । पहिरो पन्छाउन झण्डै ५ घण्टा लाग्ने भएको छ । विभिन्न ठाउँमा पहिरो र ढुङ्गा खसेकोको आवत जावतमा समेत समस्या भएको जनाइएको छ । सडक बन्द भएपछि राजमार्गमा सवारीको लामो लाइन लागेको छ । चितवनको भरतपुर महानगरपालिका–२९ मा रहेको केराबारीमा बिहान लेदोसहितको पहिरो खसेको छ । त्यस्तै १८ किलोमा पनि ठूलो पहिरो झरेको छ । पानी परिरहेकाले पहिरो हटाउन समस्या भएको जिल्ला ट्राफिक प्रहरी कार्यालय चितवनले जनाएको छ ।