रुसका उपप्रधानमन्त्री अलेक्जेन्डर नोभाकले यदि पश्चिमा राष्ट्रहरुले रुसी तेलमाथि प्रतिबन्ध लगाएमा जर्मनी जाने प्रमुख ग्यासको पाइपलाइन बन्द गरिदिने चेतावनी दिएका छन् । उनले भनेका छन् , ‘रुसी तेलको बहिष्कार विश्वव्यापी बजारका लागि महामारी नतिजा ल्याउन सक्छ, मूल्य प्रति व्यारेल ३०० डलरभन्दा पनि बढी हुन सक्छ ।’
।’युक्रेनमा आक्रमण गरेका कारण रुसलाई दण्डस्वरुप आफ्ना मित्रहरुसँग मिलेर सम्भावित रुपमा प्रतिबन्ध लगाउने उपायको खोजी अमेरिकाले गरिरहेको छ ।
तर जर्मनी र नेदरल्यान्डले सोमबार उक्त योजना अस्वीकार गरेका छन् ।
ईयूमा उसको आवश्यकताको ४० प्रतिशत ग्यास र ३० प्रतिशत तेल रुसबाट आउने गरेको छ र यो आपूर्ति नभएमा यसको विकल्प दिन मुश्किल पर्छ ।
एक टिभी सम्बोधनका क्रममा नोभाकले भने, ‘युरोपेली बजारमा रुसी तेललाई तत्काल विस्थापित गर्न असम्भव छ ।‘हामीमाझ मिल्दो खालको निर्णय गर्ने अधिकार र नर्ड स्ट्रिम–१ बाट ग्यास रोक्ने अधिकार पनि छ,’
