शनिबार आयोवाको डेस मोइनेस नजिकै चक्रवातमा परी दुई बालबालिकासहित ६ जनाको मृत्यु भएको छ । ‘मृत्यु भएकामध्ये दुई बालबालिका पाँच वर्षभन्दा कम उमेरका रहेको बताइएको छ ।
स्रोतका अनुसार डेस मोइनेसको दक्षिणपश्चिममा रहेको म्याडिसन काउन्टीको चक्रवातका कारण एक जना गम्भीर घाइते भएका छन् भने अन्य तीन जनालाई गम्भीर अवस्थामा अस्पतालमा भर्ना गरिएको जानकारी प्राप्त भएको छ ।
डेस मोइन्समा रहेको राष्ट्रिय मौसम सेवा कार्यालयले प्रारम्भिक अनुमानले यो EF3 चक्रवात भएको देखाएको छ, जसमा हावाको गति कम्तिमा १ सय ३६ माइल प्रति घण्टा थियो ।
