अष्ट्रेलियाले करीब डेढ वर्षदेखि बन्द गरेको अन्तर्राष्ट्रिय सिमाना खोलेपछि देशभर कोरोना भाइरसबाट संक्रमित हुनेहरूको संख्या १० लाख नाघेको छ ।
अष्ट्रेलियाभरी दैनिक करीब एक लाखभन्दा बढीको संख्यामा संक्रमितहरू थपिएका छन् ।भिक्टोरिया राज्यमा पछिल्लो २४ घण्टा भित्रमा ४४ हजार १५५ जना नयाँ संक्रमितहरू थपिएका छन् । त्यस्तै, सबैभन्दा बढी जनसंख्या भएको न्यू साउथ वेल्स राज्यमा ३० हजार ६२ जना नयाँ संक्रमितहरू थपिएका छन् । त्यति मात्र होइन, बोर्डर खोल्नु अघिसम्म महामारीले नछोएको तास्मानिया राज्यमा सोमबारमात्र करीब एक हजार ५०० नयाँ संक्रमितहरू थपिएका छन् ।
