क्विन्सल्याण्डका ब्याट्सम्यान उस्मान ख्वाजा अष्ट्रेलियन टेष्ट टिममा फर्किएका छन्। एसेज सिरिजअन्तर्गत सिड्नीमा हुने खेलका लागि उनी अष्ट्रेलियन टेष्ट टिममा फर्किएका हुन् ।
कोभिड-१९ का कारण आइसोलेसनमा रहेका ट्रेभिस हेडको स्थानमा ख्वाजाले टिममा स्थान बनाएका हुन् ।
तेस्रो टेष्ट खेलेको टिममा यो नै एक मात्र परिवर्तन हो। ख्वाजाले सन् २०१९ पछि पहिलो टेष्ट खेल्दैछन् ।टेष्ट बुधबारदेखि सिड्नीमा सुरु हुनेछ ।
