सौन्दर्य कलाक्षेत्रमा लोकप्रियता हासिल गरे संगै हजारौंलाई व्युटिसियन तालिम दिइ रोजगारी श्रृजना गरि धेरैलाई रोजगारीको अवसर प्रदान गर्ने वरिष्ठ सौन्दर्यविद मेनुका सिवाकोटी वरिष्ठ सौन्दर्यकर्मी सम्मानबाट सम्मानित भएकी छिन । ओम शान्ति व्यूटि क्लिनिक एण्डट्रेनिङ्ग सेन्टरकी प्रमुख समेत रहेकी शिवाकोटी यस अघि पनि थुप्रै संघ संस्थाबाट सम्मानित भैसकेकी छिन ।
क्रियटिभ ईन्साइट मिडियाको आयोजना तथा रोज शिप बिकाश तालिम केन्द्रको ब्यबस्थापनमा सौन्दर्यकर्मीहरु, फेसन मोडल तथा फेशन डिजाईनरहरुको लागि “नेपाल ब्युटिसियन एण्ड फेसन अवार्ड” कार्यक्रममा उनलाई उक्त सम्मानबाट सम्मानित गरिएको हो । सुन्दरताको क्षेत्रमा योगदान पुर्याएका पार्लर, ब्युटी ट्रेनीङ सेन्टर, सौन्दर्य ब्यबसाय संग आबद्ध सम्पूर्ण विधा मेकअप, हेयर, नेल, फेसियल लगायत अन्य विधा, कस्मेटिक प्रोडक्ट, कस्मेटिक कम्पनि र फेसन मोडल र फेसन बुटिकलाइ समेट्दै अवार्ड सम्पन्न गरिएको आयोजक तथा वरिष्ठ सौन्दर्यबिद सोनी कारंजितले जानकारी दिईन । प्रमुख अतिथि चलचित्र बिकास बोर्डका अध्यक्ष दयाराम दाहालको प्रमुख आतिथ्यतामा सम्पन्न उक्त अवार्ड समारोहमा सौन्दर्यकला क्षेत्रमा उच्च योगदान पुर्याएका सौन्दर्यबिद, सौन्दर्यकर्मी, समाजका विभिन्न प्रतिष्ठित व्यक्तिहरुलाइ अवार्ड तथा सम्मान गरिएको थियो।