सवारी चालक अनुमति पत्र (लाइसेन्स)को परीक्षा भदौ २० गतेदेखि सञ्चालन हुने भएको छ । बागमती प्रदेशअन्तर्गत यातायात व्यवस्था कार्यालयले आइतबार सूचना जारी गर्दै वैशाख १५ देखि रोकिएको लिखित तथा प्रयोगात्मक परीक्षा भदौ २० गतेदेखि सञ्चालन गर्न लागेको जनाएको छ ।

करिब ४ महिनापछि कोरोना भाइरस न्यूनीकरणका लागि गरिएको दोस्रो चरणको लकडाउनसँगै गत वैशाख १६ गतेबाट लाइसेन्सको काम बन्द भएको थियो । पुसदेखि वैशाखसम्म फारम भरेका झण्डै ४ लाख परीक्षार्थी ट्रायलको प्रतिक्षामा छन् । ४ लाख परीक्षार्थीले ट्रायल दिन कम्तीमा ५ देखि ६ महिना लाग्ने विभागको अनुमान छ । यससँगै अब प्रतिक्षामा रहेका परीक्षार्थीहरुले सम्बन्धित यातायात कार्यालयमा सम्पर्क गरी आफ्नो पालो बुझ्नुपर्नेछ ।

प्रयोगात्मक परीक्षाका लागि आवेदन दिई बायोमेट्रिक गरेका लिखित परीक्षामा संलग्न हुने सम्पूर्ण परीक्षार्थीहरू, लिखित परीक्षा दिई ट्रायलमा सहभागी हुने सम्पूर्ण परीक्षाहरू र कार्यालयमा उपस्थित भई वर्ग थपको लागि राजश्व बुझाइसकेका सेवाग्राहीलाई सेवा दिइने सूचनामा उल्लेख छ ।

परीक्षार्थीहरुले पालन गनुपर्ने विषयहरुः– परीक्षा केन्द्रमा प्रवेश गर्नुअघि परीक्षार्थी स्वयमले अनिवार्य रुपमा रुपमा मास्क, स्यानिटाइजर र आफ्नो पीउने पानीको व्यावस्था गर्नुपर्ने

-परीक्षा सुरु हुनु १५ मिनेट अगाडि मात्र परीक्षा केन्द्रमा उपस्थित हुनुुपर्ने– परीक्षार्थीहरुले परीक्षा केन्द्रमा प्रवेश गर्दा, निस्कँदा शौचालय प्रयोग गर्दा भिडभाड नगरी भौतिक (सामाजिक) दूरी कायम गर्नुपर्ने

– परीक्षामा खटिएका कर्मचाारीले दिएको निर्देशनको पूर्णरुपमा पालना गर्नुपर्ने-परीक्षार्थीहरु परीक्षा केन्द्रमा समूह बनाई भेला नहुन– परीक्षा केन्द्र प्रवेश गर्नु अगाडि परीक्षार्थीहरूको तापक्रम मापन गरिने छ ।

परीक्षामा खटिने कर्मचारीको हकमा-परीक्षामा खटिने कर्मचारीले परीक्षा केन्द्रमा मास्क, पञ्जा र स्यानिटाइजरको अनिवार्य रुपमा प्रयोग गर्ने– परीक्षार्थीहरुलाई एक आपसमा भौतिक (सामाजिक) दूरी कायम हुने गरी स्वास्थ्य सुरक्षाको मापदण्ड अपनाई परीक्षा हलमा प्रपेश गराउने

-प्रश्न पत्र वितरण र हाजिरी गराउँदा उच्च सर्तकता अपनाउने,– परीक्षार्थीहरुसँगको भौतिक दूरी कायम हुने गरी परीक्षार्थीको पहिचान गरी उत्तर पुस्तिकामा हस्तक्षर गर्ने

– कागजतहरु छोए पश्चात प्रत्येक पटक हात धुने र स्यानिटाइजरको प्रयोग गर्ने– परीक्षामा खटिने कर्मचाारीहरु कम्तीमा १ घण्टा अगावै परीक्षा केन्द्र्रमा उपस्थित भइसक्नुपर्नेछ ।