प्रधानमन्त्री केपी शर्मा ओलीले त्रिभुवन विमानस्थलसँगै रहेको नेपाल आयल निगमको इन्धन भण्डार स्थानान्तरण गर्न निर्देशन दिएका छन् ।
शुक्रबार ऊर्जा, जलस्रोत तथा सिँचाई राज्यमन्त्री पूर्णबहादुर तामाङसहित तीनजना राज्य मन्त्रीहरूलाई पद तथा गोपनीयताको सपथ दिलाएपछि ओलीले यस्तो निर्देशन दिएका हुन् ।
राज्यमन्त्री तामाङले सपथ लिइसकेपछि सिंहदरबारमा उपस्थित ऊर्जामन्त्री दीपक खड्कासमेतलाई ओलीले विमानस्थलसँगकै इन्धन भण्डार सार्ने तयारी थाल्न भनेका हुन् ।
‘त्रिभुवन अन्तर्राष्ट्रिय विमानस्थल नजिक रहेको इन्धन भण्डारले खतरा हुने भएकोले अन्यत्र स्थानान्तरण गर्न पनि सम्बन्धित मन्त्री र राज्यमन्त्रीलाई प्रधानमन्त्रीले निर्देशन दिनु भएको छ’, ओलीको सचिवालयले भनेको छ ।
