कम्पनीका संस्थापक अध्यक्ष विनोद श्रेष्ठका अनुसार पोलेर इट्टा उत्पादन गर्ने परम्परागत शैलीको विकल्पका रुपमा इको केयरले स्थापना भएको हो । उनको दाबी छ, ‘हामीले उत्पादन गर्ने इट्टा काँचो तर पाकेको इट्टाभन्दा गुणस्तरीय छ ।’

वातावरण मैत्री तरिकाले इट्टा उत्पादन हुने र गुणस्तरबारे डेढ महिना अध्ययन गरेर मात्रै यसको ब्रान्ड एम्बेस्डर बनेको कलाकार केसीको भनाइ छ ।

उनी भन्छन्, ‘मैले विगतमा ३ वटा इट्टभट्टा सञ्चालन गरेको थिए । इट्टा पोल्दा प्रदूषण फैलिने भएकाले नै मैले व्यवसाय छोडेँ । अहिले विना प्रदूषण इट्टा उत्पादन हुन्छ भनेपछि म ब्राण्ड एम्बेसडर बन्न राजी भएँ ।’

थोरै जग्गा, कम लगानी र थोरै जनशक्तिमा विद्यामान इट्टाभट्टाले भन्दा बढी इट्टा उत्पादन गर्न सक्ने कम्पनीको दाबी छ । अन्य स्थानमा यस प्रविधिको प्रयोग गरी इट्टा उत्पादन गर्न चाहनेलाई इको केयरले सहयोग गर्ने प्रतिबद्धता जनाएको छ ।