नेपाली कांग्रेसका सांसद प्रदीप पौडेलले ‘देश सरकारले चलाइरहेको छ कि अन्त कतैबाट चलेको छ ?’ भन्दै प्रश्न गरेका छन् । सोमबार प्रतिनिधिसभा बैठकको शून्य समयमा उनले यस्तो बताएका हुन् ।
उनले प्रधानमन्त्री पुष्पकमल दाहाल ‘प्रचण्ड’ले मन्त्रीहरूले आफूले भनेको नमानेको बताएको उल्लेख गर्दै ‘योभन्दा लज्जास्पद कुरा के हुन्छ ?’ भन्दै प्रश्न गरे ।
उनले सरकार अराजकतातिर गइरहेको जिकिर गरे । उपप्रधान एवं गृहमन्त्री रवि लामिछानेले विदेशीलाई सूचना बेच्ने व्यक्ति संसद्मा रहेको भन्ने र रक्षामन्त्री हरि उप्रेतीले आइतबार दिएको अभिव्यक्ति पदीय मर्यादाअनुरूप नरहेको उनले बताए । मन्त्रीहरूले आफ्नो क्षेत्रमा मात्र बजेट विनियो.जन गरेको उनको भनाइ थियो ।
