समाजवादी महिला संघले आफ्ना संघीय र प्रदेशका सांसदहरुलाई सम्मान गरेको छ ।
संघकी अध्यक्ष निर्मला यादवको सभापतित्वमा शनिबार एक कार्यक्रम आयोजना गरेर पार्टीका संघीय र प्रदेशक सांसदहरुलाई सम्मान गरिएको हो ।
कार्यक्रमका जनता समाजवादी पार्टीका संघीय परिषद् अध्यक्ष एवं शिक्षा, विज्ञान तथा प्रविधि मन्त्री अशोक राईले सांसदहरुलाई सम्मान पत्र वितरण गर्नुभयो ।
कार्यक्रममा बोल्दै प्रमुख अतिथि राईले पार्टीको विस्तारका लागि महिला संघको महत्वपूर्ण भूमिका रहेको बताउनुभयो ।
यसैबीच,आइतबार संघकोे केन्द्रीय समितिको बैठक बस्ने भएको छ, बैठकमा संघका गतिविधि र आगामी रणनीतिका बारेमा छलफल हुने संघले जानकारी दिएको छ ।
जनता समाजवादी पार्टीको महिला संगठन समाजवादी महिला संघले संघीयता, सुशासन, समृद्धिको आवश्यकता, कायम गरौं लैंगिक समानता भन्ने नारालाई जोड दिएर अघि बढिरहेको सो अवसरमा बताइएको छ ।
