काठमाडौं महानगरपालिका वडा नं १६ का वडाध्यक्ष मुकुन्द रिजालको निधन भएको छ । डेंगुबाट संक्रमित भएका रिजालको आज बिहान ग्राण्डी अस्पतालमा उपचारका क्रममा निधन भएको महानगरका प्रवक्ता नवीन मानन्धरले नयाँ पत्रिकालाई जानकारी दिए ।
प्रवक्ता मानन्धरका अनुसार पाँच दिनअघि अस्पताल भर्ना भएका रिजालको फोक्सोमा पानी जम्ने र निमोनियाको समस्या थियो । स्वास्थ्य अवस्था नाजुक बनेपछी दुई दिनदेखी भेन्टिलेटरमा राखेर उनकाे उपचार भइरहेको थियो ।
महानगरले रिजालको पार्थिव शरीर श्रद्धाञ्जलीका लागि राष्ट्रिय सभागृहमा राख्ने भएकाे छ । उनी कांग्रेसबाट निर्वाचित जनप्रतिनिधि हुन् ।
