ONS Times | Online News Site | राष्ट्रपति पौडेलद्वारा मिटरब्याज पीडितको समस्या समाधानका लागि अध्यादेश जारी

राष्ट्रपति पौडेलद्वारा मिटरब्याज पीडितको समस्या समाधानका लागि अध्यादेश जारी

बुधबार, बैशाख २०, २०८०

राष्ट्रपति रामचन्द्र पौडेलले ‘मुलुकी संहिता सम्बन्धी केही नेपाल ऐनलाई संशोधन गर्ने अध्‍यादेश, २०८०’ जारी गरेका छन् । बुधबार राष्ट्रपति कार्यालयले विज्ञप्तिमार्फत राष्ट्रपति पौडेलले मन्त्रिपरिषदको सिफारिसमा अध्यादेश जारी गरेको जनाएको हो । मंगलबार बसेको मन्त्रिपरिषद बैठकले उक्त विषयबारे निर्णय लिएर राष्ट्रपतिसमक्ष अध्यादेश पठाएको थियो । अध्यादेश मिटरब्याज पीडितको समस्या समाधानका लागि ल्याइएको हो । मिटरब्याजलाई अनुचित लेनदेनको रुपमा परिभाषित गरी दण्डनीय बनाउन उक्त अध्यादेश जारी गरिएको छ । राष्ट्रपति पौडेलले नेपालको संविधानको धारा ११४ को उपधारा (१) बमोजिम अध्यादेश, २०८० जारी गरेको जानकारी दिइएको छ । यसअघि मिटरब्याज पीडितको समूहले सरकारसँग गरेको सहमतिअनुसार कानुन संशोधन गर्न अध्यादेश ल्याइएको छ ।