प्रतिनिधिसभाको सदस्यका लागि हुन गइरहेको उपनिर्वाचनमा बारा २ बाट जनता समाजवादी पार्टीका अध्यक्ष उपेन्द्र यादवले उम्मेदवारी दर्ता गराएका छन्।
समर्थकहरूको दलबलसहित निर्वाचन कार्यालय पुगेका यादवलाई कांग्रेस, नेकपा समाजवादी, नेकपा माओवादी र लोकतान्त्रिक समाजवादीको साथ छ।
सप्तरी १ बाट जनमत पार्टीका अध्यक्ष सिके राउतले हराएपछि उनी बाराबाट पुनः संघीय संसद् प्रवेश गर्ने दाउमा छन्।
बारा २ बाट निर्वाचित जनता समाजवादी पार्टीका नेता रामसहायप्रसाद यादव उपराष्ट्रपतिमा निर्वाचित भएपछि यहाँ पुनः निर्वाचन हुन लागेको हो।
