रौतहटमा एसइई परीक्षा दिने नक्कली परीक्षार्थी पक्राउ परेका छन्।मौलापुर नगरपालिका वडा नम्बर ५ स्थित लक्ष्मीनियाँ माविमा संचालन भइरहेको गणित विषयको परीक्षा दिइरहेका नक्कली परीक्षार्थीलाई पक्राउ गरेको जिल्ला प्रहरी कार्यालयका प्रहरी निरीक्षक दिनेशबहादुर कुँवरले जानकारी दिए।
प्रवेश पत्रमा प्रेमलाल साह कानु नाम छ। तर उनको सट्टामा गरूडा नगरपालिका-६ पोठियाहीका कमल साहले परीक्षा दिइरहेका थिए।
जिल्ला प्रशासन कार्यालय रौतहटबाट सहायक प्रमुख जिल्ला अधिकारी मणिभुषण शाह नेतृत्वको अनुगमन टोलीले नक्कली परीक्षार्थी फेला पारेको हो। प्रेमलाल साह कानु भन्ने व्यक्ति को हो भन्नेबारेमा पनि बुझ्ने काम भइरहेको प्रहरीले जनाएको छ।
