मिटरब्याजीको समस्या लेनदेनको मात्र होइन । यो त मधेशको दाइजो प्रथा, भोज प्रथा, जात प्रथा, वैदेशिक रोजगारी, नागरिकता तथा भूमिहीन सुकुम्बासी लगायतसँग जोडिएको राज्यकै गम्भीर समस्या हो ।
राज्यले सर्वसाधारण नागरिकको पहुँच स्थापित हुने गरी बैंकिङ तथा वित्तीय सुविधा उपलब्ध गराउन नसक्दा उत्पन्न समस्या हो । यसको लाभ भने यहाँका जमिनदार तथा दलाल पूँजीपति वर्गले लिइरहेका छन् । उनीहरूलाई राज्यको कानुनले पनि साथ दिइरहेको छ र मारमा छन् सर्वसाधारण भुईंमान्छेहरू ।
