काभ्रेको बनेपामा नगरस्तरीय चौथौ अन्तरविद्यालय राष्ट्रपति रनिङ सिल्ड प्रतियोगिता सुरु भएको छ । बनेपा नगरपालिकाको आयोजनामा सुरु भएको नगरस्तरीय चौथौ अन्तर विद्यालय राष्ट्रपति रनिङ सिल्ड प्रतियोगिताको उद्घाटन शुक्रबार नगर प्रमुख शान्ति रत्न शाक्यले गरेका हुन् ।
प्रतियोगितामा नगरका संस्थागत र सामुदायिक गरी १४ वटा विद्यालय सहभागी रहेको नगरपालिकाका शिक्षा शाखा प्रमुख शिवराज त्रिपाठीले जानकारी दिए । उनका अनुसार, प्रतियोगिता १३, १४, १५ र १६ गते बनेपास्थित लायकु मञ्चमा सञ्चालन हुनेछन् ।
प्रतियोगितामा एथ्लेटिक, कबड्डी र भलिबललगायतका खेल हुने उनले जानकारी दिए । प्रतियोगितामा विजयी हुनेले रनिङ सिल्ड, ट्रफी र प्रमाणपत्र पाउने शिक्षा शाखा प्रमुख हुमागाईंले बताए ।
