महिलाहरुको महान पर्व तीज नजिकिँदै गर्दा तीज विशेष गीतहरु सार्वजनिक हुने क्रम बढेको छ । यसैबीच, एक भिन्न शैलीको तीज गीतको भिडियो सार्वजनिक भएको छ । – ‘यो रमाइलो तीजैमा‘।’ बोलको गीतमा लोकप्रिय अभिनेता गजित विष्टलाई महिलाको पहिरनमा प्रस्तुत गरेर नचाइएको छ । शम्भूजीत बासकोटाको संगीत तथा उन्नती बोहोरा शीलाका शब्दहरुको उक्त गीतमा गायिका सुनिता दुलालको स्वर रहेको छ ।
भिडियोमा अभिनेत्री करिश्मा मानन्धर, अञ्जली अधिकारीको साथमा अभिनेता विष्टलाई आकर्षक ढंगले महिलाको रुपमा प्रस्तुत गरिएको छ ।
गम्भिर विष्टको कोरियोग्राफी तथा निर्देशनमा बनेको पशुपति क्षेत्रमा छांयाकन गरिएको उक्त भिडियोको उत्तरार्धमा गीतको शब्द अनुसार अभिनेता विष्टले महिलाको भेष धारण गरेर नृत्य गरेका हुन् । रातो सारी, चोलो अभिनेता विष्टलाई निकै सुहाएको देखिन्छ ।
