काठमाडौंको बुढानिलकण्ठ नगरपालिकको भंगालमा एकजना महिलाको हत्या भएको छ । बुढानिलकण्ठ–३ घर भएकी ४० वर्षीय फुलमाया सुनारको हत्या भएको प्रहरीले जनाएको छ ।
बुधवार मध्यान्ह भंगालमा निर्माणाधीन घरमा फुलमायाको शव फेला परेको थियो । मृतकको भित्री कपडा च्यातिएको र घटनास्थलबाट ढाटा फालेको अवस्थामा भेटिएको छ । फुलमायाको शव निर्माणाधीन घरको भुइँतलामा भेटिएको हो । शव पोष्टमार्टमका लागि त्रिवि शिक्षण अस्पतालमा पठाइएको छ ।
