काठमाण्डौ महानगरपालिकाका नव निर्वाचित मेयर बालेन्द्र साह (बालेन) ले खुमलटार पुगेर माओवादी केन्द्रका अध्यक्ष पुष्पकमल दाहाल प्रचण्डसँग भेट गरेका छन् ।
शनिबार बिहान प्रचण्डलाई भेट्न मेयर साह ललितपुरको खुमलटार पुगेका थिए । भेटमा माओवादी केन्द्रका अध्यक्ष प्रचण्डले मेयर साहलाई बधाईसहित सबै दलसँग सहकार्य गरी अगाडि बढ्न सुझाव दिदै आफ्नो पार्टीको साथ र सहयोग रहने बताए । मेयर निर्वाचित भइसकेपछि साहले यसअघि प्रधानमन्त्री एवम् कांग्रेस सभापति शेरबहादुर देउवा र एमालेका अध्यक्ष केपी शर्मा ओलीसँग भेट गरेका थिए । साहले काठमाण्डौ महानगरपालिकाको मेयरमा स्वतन्त्रबाट जितेका हुन् ।
