अभद्र व्यवहार सम्बन्धि घटनामा फुर्पा तामाङले गल्ती स्वीकार गरेपछि नायिका मगरले माफी दिएकी छन् ।
गत जेठ १५ गते सिभिल मलको क्युएफएक्स हलमा पुगेकी अभिनेत्री मिरुना मगर माथि फुर्पाले गलत नियतले छोएको आरोप लागेको थियो । त्यसको लगत्तै आम नागरिकहरुले पक्ष र विपक्षमा आवाज उठाउन थालेपछि दुबै पक्षले आ- आफ्नो तर्फबाट भएको गल्ति स्विकार्दै सहमतिपत्रमा हस्ताक्षर गरेका हुन् ।
दुई पक्षको सहमति पछि जारी विज्ञप्तिमा भनिएको छ, ‘हामी दुवै पक्षका अभिभावकहरू छलफलमा बसी आगामी दिनहरूमा यस विषयलाई लिएर विवाद नगर्ने, एक अर्कालाई अनावश्यक टिका टिप्पणी नगर्ने तथा समाजमा धार्मिक तथा साम्प्रदायिक द्वेष फैलन नदिन सबै सरोकारवाला निकाय, जातीय तथा धार्मिक सङ्घ सङ्गठनहरूसमक्ष अपिल गर्दै राजी खुसीसाथ यस पत्रमा हस्ताक्षर गरी लियौँ दियौँ।’
