गुल्मीको कालीगण्डकी गाउँपालिका-२ मा एक मतले नेपाली कांग्रेसका उम्मेदवार विजयी भएका छन् । कांग्रेस उम्मेदवार रेशमराज न्यौपाने ७५६ मत ल्याउँदै एक मतको अन्तरले निर्वाचित भएका हुन् । उनका प्रत्यासी नेकपा एमालेका बाबुराम न्यौपानेले ७५५ मत ल्याए । सोही गाउँपालिकाको वडा नम्बर १ मा नेकपा एमालेका लालुबहादुर पाण्डे वडाध्यक्षमा निर्वाचित भएका छन् । उनले ७२७ मत ल्याएका छन् । उनका निकटतम प्रतिद्वन्दी कांग्रेसका रविन्द्र पाण्डेले ६४१ मत ल्याएका छन् ।
