डोटीको बडीकेदार गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार विजयी भएका छन् । निर्वाचन अधिकृत बसन्तकुमार बोहराले दिएको जानकारी अनुसार नेपाली कांग्रेसका उम्मेदवार भैरवबहादुर साउँद २ हजार ३४३ मत प्राप्त गरी अध्यक्षमा विजयी भएका हुन् । नेपाली कांग्रेसको क्षेत्रीय सभापति समेत रहेका साउँद २०५४ सालको स्थानीय तह निर्वाचनमा साविकको घाङल गाउँविकास समितिको उपाध्यक्ष थिए । साउदका निकटतम् प्रतिस्पर्धी नेकपा एमालेका चक्रबहादुर घर्तीमगरले १ हजार ६८४ मत प्राप्त गरेका छन् ।
