प्रधानमन्त्री तथा नेपाली काँग्रेस सभापति शेरबहादुर देउवाले देशलाई ओलीको डर त्रासबाट मुक्त गराउन गठबन्धन आवश्यक रहेको बताएका छन् ।
काठमाडौंमा शुक्रबार आयोजित सत्ता गठबन्धनको संयुक्त चुनावी सभालाई सम्बोधन गर्दै प्रधानमन्त्री देउवाले एस्तो बताएका हुन् ।
उनले भने,‘ केपी ओलीको बेला डर त्रास थियो । अहिले त्यस्तो छैन नि । ओलीको डर त्रासबाट मुक्त गराउन हामीले गठबन्धन गर्यौँ ।’
हिजाे काँग्रेस एक्लै चुनावमा जाँदा हारेको भन्दै उनले माओवादीले एमालेसँग मिलेर दुःख पाएको बताए । ‘हामीले एकलै जाने रहर गरौं पार्टी हार्यो । उहाँ (प्रचण्ड)ले पनि एमालेसँग जाने रहर गर्नुभयो । उहाँले पनि कति दुःख पाउनुभयो ?,’ देउवाको भनाइ छ ।
