नेकपा (एकीकृत समाजवादी) का अध्यक्ष माधवकुमार नेपालले दुई पटकसम्म संसद् विघटन गर्दा प्रतिपक्षी भएर नउभिएको भए देश समाप्त भइसक्ने बताएका छन् । आज बिहीवार भरतपुरमा आयोजित पाँच दलीय गठबन्धनको सभालाई सम्बोधन गर्दै उनले एस्तो बताएका हुन् ।
दलहरूबीचको एकताबाटै राजसंस्था फाल्न सफल भएको भन्दै उनले संविधान र गणतन्त्र जोगाउन पनि पाँच दलीय गठबन्धनमा एकता आवश्यक भएको बताए । उनले भने, ‘दुई पटकसम्म संसद् विघटन गर्दा प्रतिपक्षी भएर नउभिएको भए देश समाप्त भइसक्थ्यो ।’ प्रतिगमनकारी कदमको आफूहरूले विरोध नगरेको भए देश अवनतिको बाटोमा जान सक्ने नेपालले बताए । दक्षिणपन्थी गठबन्धनलाई मद्दत पुग्ने र लोकतान्त्रिक गठबन्धनलाई आघात पुग्ने गरी नलाग्न उनले समेत आग्रह गरे ।
