त्रिभुवन अन्तर्राष्ट्रिय विमानस्थल परिसरमा शंकास्पद वस्तु राखिएको आशंका भएपछि आन्तरिक उडान ठप्प भएको छ । अहिले आन्तरिक उडानका सबै यात्रुहरुलाई विमानस्थलको मुख्य गेटबाट बाहिर निकालिएको स्रोतले जनाएको छ ।
स्रोतका अनुसार शंकास्पद वस्तु राखिएकाे भनिएको ठाउँलाई घेरेर राखिएको छ । सेनाको बम डिस्पोजल टोली पनि घटनास्थल पुगिसकेको जनाइएको छ । शंकास्पद वस्तुकाे आशंकापछि विमानस्थलमा सुरक्षा व्यवस्थालाई थप कडा पारिएको छ । घटनाको विस्तृत विवरण आउन बाँकी छ ।
