नेपाली कांग्रेसका नेता प्रदीप पौडेलले काठमाडौं महानगरका नेकपा एमालेका मेयर उम्मेदवार केशव स्थापितले मधेसी समुदायप्रति चोट पुर्याएको भन्दै आपत्ती जनाएका छन् ।
स्थापितले स्वतन्त्र उम्मेदवार बालेन शाहले आफू मधेसी भन्न नसकेको भन्दै स्थापितले ‘ठग’ को संज्ञा दिएर चुनावी लाभका लागि मधेसी जनताको आत्मसम्मानमा ठेस पुर्याएको भन्दै पौडेलले स्थापितको बोलीप्रति आपत्ति जनाएका हुन् ।
पौडेलले एक सञ्चार माध्यम संगको कुराकानिमा ,‘महिलामाथि त सार्वजनिक मञ्च मै हिंसा भइरहेको छ ।’ स्थापित अर्कै ग्रहबाट पहिलोपटक काठमाडौं ओर्लेजस्तो गरी चुनावी ‘फन्डा’ गरिरहेको पौडेलले आरोप लगाए ।
हिंसा, विद्वेष, सिद्धान्तहीनता र अवसरवादलाई काठमाडौका जनताले अनुमोदन नगर्ने उनले ठोकुवा गरे । ‘हावा गफ त ओलीजी बाटै टन्न अघाउने गरी सुनिसकेका छौँ,।’ उनले भने, ‘स्थापित र ओलीका नाममा उर्दुको एउटा शेर : एक ही उल्लु काफी था बरबाद गुलिस्तां करनेको, अंजाम गुलिस्तां क्या होगा जब हर डाल पर उल्लु बैठा हो ।’
