युक्रेनका राष्ट्रपति वोलोदिमिर जेलेन्स्कीको सरकारलाई किभबाट सत्ताच्यूत गर्ने कोसिस असफल भएपछि रुसले पूर्वी युक्रेनका दुई इलाकालाई छिट्टै हडप्ने योजनामाथि काम गरिरहेको अमेरिकी सरकारका एक वरिष्ठ अधिकारीले सोमबार बताए ।
अर्गनाइजेशन फर सेक्युरिटी एन्ड को–अपरेशन इन युरोपमा अमेरिकाका राजदूत माइकल कारपेन्टरले भने, ‘पछिल्लो रिपोर्टका अनुसार रुस डोनेट्स्क पिपल्स रिपब्लिक र लुगान्स्क पिपल्स रिपब्लिकलाई आफूमा सम्मिलित गराउने कोसिस गर्ने हाम्रो मान्यता छ । रिपोर्टले रुसको योजना १५ मे आसपास जनमत संग्रह गर्नु हो ।’
माइकल कारपेन्टरका अनुसार रुस यस्तै योजना युक्रेनको तेस्रो क्षेत्र खेरसोनका लागि पनि बनाइरहेको छ भन्ने अमेरिकाको विश्वास छ ।
समाचार एजेन्सी एएफपीको रिपोर्टका अनुसार रुसले हालैका दिनहरूमा खेरसोनमा आफ्नो पकड बलियो बनाएको छ र त्यहाँका मानिसहरूलाई रुबल मुद्रा अपनाउन बाध्य पारेको छ ।
माइकल कारपेन्टरले भने, ‘हामीलाई विश्वास छ कि यी रिपोर्टहरू अत्यन्तै भरपर्दा छन् । भोलिको समयमा के हुँदै छ, दुर्भाग्यवश, यसको आँकलनमा हामी गलतभन्दा बढी सही साबित भइरहेका छौँ ।’
