कैलालीको घोडाघोडी नगरपालिका १० तुलसीपुर सामुदायिक वनमा एक दम्पती मृत फेला परेका छन् । मृत फेला पर्नेमा बझाङको जय पृथ्वी नगरपालिका २ का २८ वर्षीय अमरराज जोशी र सोही ठाउँकी २४ अस्मिता सिंह रहेको प्रहरीले जनाएको छ ।
मृतक दम्पती एउटै डोरीको पासो बनाई झुन्डिएको अवस्थामा अवस्थामा फेला परेका हुन् । उनिहरु गत चैत २६ मा मात्रै वैवाहिक जीवनमा बाँधिएका थिए ।
जिल्ला प्रहरी कार्यालय कैलालीका अनुसार बझाङमै गत चैत्र २६ गते बिहे गरेर आफन्तकोमा आएका उनीहरू चैत्र २७ गतेदेखि सम्पर्क विहीन भएका थिए । आइतबार बिहान गोठालाहरूले शव देखेपछि प्रहरीकहाँ खबर पुगेको थियो ।
अहिले घटनाबारे थप अनुसन्धान भइरहेको प्रहरीले बताएको छ ।
