काठमाडौंको सिनामंगलबाट एक जना युवकलाई अपहरण गरेको अभियोगमा पाँच जना पक्राउ परेका छन् ।
पक्राउ पर्नेमा भक्तपुरका सञ्जन ओली, निरज केसी, सौजन्य सिंह, आशिष कोजु र सन्तोष न्यौपाने रहेका छन् ।
काठमाडौं प्रहरीका अनुसार उनीहरुले सिराहाका पवनकुमार यादवलाई स्कोर्पियोमा लगेर बन्धक बनाएको कारण पक्राउ परेका हुन् । प्रारम्भिक अनुसन्धानमा अपहरित हुने र अपहरण गर्ने दुवै पक्ष लागूऔषध सेवनकर्ता भएको हुनसक्ने देखिएको र यसबारे थप अनुसन्धान भइरहेको प्रहरीले जनाएको छ ।
