पश्चिम रुकुमको मुसिकोट नगरपालिकामा सत्ता गठबन्धनका तीन दल बीच चुनावी तालमेल भएको छ ।
नेकपा माओवादी केन्द्र, नेकपा एकीकृत समाजवादी र जनता समाजवादी पार्टीबीच भएको चुनावी तालमेले मुसिकोटको मेयरमा माओवादीबाट वसन्त शर्मा र उपमेयरमा एकीकृत समाजवादीका विमलकुमार पुनलाई उठाएको छ ।
त्यस्तै एकीकृत समाजवादीलाई १४ नम्बर वडा अध्यक्ष दिएर अरु सबै वडा अध्यक्ष माओवादीले लिएको छ । जसपालाई एकजना कार्य समिति सदस्य दिएको छ । यसअघिको निर्वाचनमा नगरको मेयर र उपमेयर दुवै माओवादीले जितेको थियो । गठबन्धन भएपछि तीन दलबीच भागबण्डा भएको हो ।
