सत्ता गठबन्धन सम्बद्ध किसान संगठनले गठबन्धनका साझा उम्मेदवारलाई विजयी गराउन संयुक्त अपिल गरेका छन् । किसान संगठनहरुको संयुक्त बैठकले शुक्रबार पाँच दलीय गठबन्धनको पक्षमा दृढतापूर्वक उभिन आग्रह गरेका हो ।
किसानहरू विरुद्ध गरेका सम्पूर्ण षडयन्त्र, दम्भ, घमण्ड, अहंकार र भ्रष्टाचारको विरुद्धमा ५ दलीय गठबन्धन बनेको भन्दै कृषि क्रान्ति, वैज्ञानिक भूमिसुधार, खाद्य सम्प्रभुता, जलवायु न्याय हुने गरी किसानमुखी नीति तथा कार्यक्रमअघि सार्न पाँच किसान संगठनको आग्रह छ । जनताको संघर्षबाट प्राप्त उपलब्धिका विरुद्ध कुनै षडयन्त्रको पाँचदल सम्बद्ध किसान संगठनले डटेर सामना प्रतिबद्धता व्यक्त गरेका छन् ।
