नेपाली काँग्रेसका महामन्त्री गगनकुमार थापाले अघिल्लो पटक सूर्यमा भोट हालेका महिलालाई यो पटक रुखमा भोट हाल्न आग्रह गरेका छन् ।

बिहीबार काठमाडौंमा आयोजित सिर्जना सिंहको संकल्प पत्र सार्वजनिक कार्यक्रममा उनले विगतको राजनीतिक योगदानलाई मूल्याङ्कन गरेर टिकट दिइएको भन्दै एस्तो बताएका हुन् ।

०७४ सालको चुनावमा एमालेलाई टिकट दिएका महिलालाई यसपटक काँग्रेसलाई मत दिन महामन्त्री थापाको आग्रह छ । ‘अघिल्लो पटक सूर्यमा भोट हाल्नुभयो, छोडिदिनुहोस् यसपटक रुखमा हाल्नुहोस् । फेरि अर्कोपटक सूर्यमा हाल्नुहोला । महिलाको लडाइँ सजिलो छैन,’ थापाले भने ।

महामन्त्री थापाले काठमाडौंबासी साना साना समस्या समाधान गर्छु भनेर लाग्ने महिलालाई स्थान दिन चुकेमा काठमाडौंबासीले स्वच्छ, हराभरा र सुरक्षित काठमाडौंको कल्पना गर्न नसक्ने बताए ।