स्याङ्जामा जीप दुर्घटना हुँदा चार जनाको ज्यान गएको छ भने पाँच जना घाइते भएका छन् ।
आज बिहान १० बजेतिर डाँडाखर्कबाट वालिङका लागि छुटेको ग १ ज ७३९९ नम्बरको जीप वालिङ नगरपालिका-१२ डाँडाखर्कमा पल्टिएपछि उनीहरुको ज्यान गएको हो ।
प्रहरीका अनुसार पाँच जनाको उद्धार गरी उपचारका लागि प्राथमिक स्वास्थ्य चौकी वालिङ पठाइएको छ । जीपमा कति जना थिए भन्ने खुलेको छैन ।
जीप अनियन्त्रित भएर पल्टिएको आशङ्का गरिएको छ । घटनाको अनुसन्धान भइरहेको प्रहरीले जनाएको छ ।
