नेपाली राष्ट्रिय फुटबल टोलीले एएफसी एसियन कप छनोटअघि नेपालले तीन राष्ट्रसँग मैत्रीपूर्ण खेल्ने तयारी गरेको छ ।
शुक्रबार पत्रकार सम्मेलनमा बोल्दै मुख्य प्रशिक्षक अब्दुल्लाह अल्मुताईरीले छनोट खेल अघि तीन राष्ट्र अफगानिस्तान, ओमान र यमनसँग मैत्रीपूर्ण खेल्ने तयारी भएको बताए ।
छनोटका लागि शुक्रबारबाट प्रशिक्षण सुरु गरेको नेपाली टोलीले दशरथ रंगशालामा प्रशिक्षण सुरु गरेको हो । अल्मुताईरीले बन्द प्रशिक्षणका लागि २५ खेलाडी बोलाएका छन् । छनोटमा नेपाल समूह ‘ए’ मा छ । नेपाल रहेको समूहमा कुवेत, इन्डोनेसिया र जोर्डन छन् ।
कुवेतमा आयोजना हुने खेलहरूमा नेपालले जुन ८ मा जोर्डनसँग खेल्दै छनोटको सुरुवात गर्नेछ ।
