रौतहटमा भारतिय मलखाद र विषादी औषधिसहितको एउटा ट्रकलाई नियन्त्रणमा लिइएको छ । भारतबाट अवैधरूपमा मलखाद तथा विषादी औषधि भित्र्याएको उक्त ट्रकलाई प्रहरीले नियन्त्रणमा ल्याएको हो ।
जिलाको कटहरिया नगरपालिका छेदिचौक बजार छेउबाट नियन्त्रणमा लिएको प्रदेश २ ००३-००१ ख ३७४९ नम्बरको ट्रकमा १४० बोरा भारतिय डिएपी मलखाद र ८ कार्टुन विषादी औषधि सहित ट्रक चालक चन्द्रपुर ६ का दिपक चालिसेलाई नियन्त्रणमा लियको हो ।
उनलाई आवश्यक कारबाहीका लागि सोमबार जिल्ला भन्सार कार्यालय गौर पठाएको ईलाका प्रहरी कार्यालय गरुडाले जनाएको छ । बरामद मलखाद, विषादी औषधि कटहरिया ५ स्थित मनोज बिज भण्डारको रहेको प्रहरी स्रोतले जनाएको छ ।
