प्रधानमन्त्री शेरबहादुर देउवा भारतीय समकक्षी नरेन्द्र मोदीसँग औपचारिक भेटवार्ताका लागि दिल्लीमा रहेको हैदराबाद हाउस पुगेका छन् । भारतको औपचारिक भ्रमणमा रहेका प्रधानमन्त्री देउवालाई भारतीय समकक्षी नरेन्द्र मोदीले हैदराबाद हाउसमा स्वागत गरेका छन् ।
भेटमा दुवै देशबीच ऊर्जा, कृषि, स्वास्थ्य तथा यातायात क्षेत्रमा महत्वपूर्ण घोषणा हुने भनिएको छ । भेटवार्तामा ३५ किलोमिटर लामो जयनगर–कुर्था रेलसेवा तथा भारत सरकारको सहयोगमा निर्मित सोलु करिडोर प्रसारण लाइनको शुभारम्भ, नेपालमा निर्माणाधीन १३२ वटा स्वास्थ्य सेवा केन्द्रको प्रगतिबारे दुवै प्रधानमन्त्रीले श्रव्यदृश्यका माध्यमबाट जानकारी लिने कार्यक्रम छ ।
