मंगलबार नेकपा एमालेमा प्रवेश गरेकी अभिनेत्री करिश्मा मानन्धरले आफू ओलीको इनर्जी देखेर ताजुब भएको बताएकी छन् ।
पार्टी प्रवेश कार्यक्रममा बोल्दै उनले एमालेमा प्रवेश गर्नुको कारण समेत उल्लेख गर्दै भनिन् ‘ओलीजीलाई फुर्काउन भनेकी होइन । नेता भनेको जनताको पथप्रदर्शक हो । ओलीमा त्यो प्रतिबद्धता र कुशलता पाउँछु । ओलीको इनर्जी देखेर ताजुब भएकी छु,’
एमालेले मुलुकको परिवर्तन र समृद्धिको सही एजेन्डा बोकेको कारण अधिकांश नेपाली नागरिकले एमालेसँग सद्भाव राख्ने भन्दै उनले यो पार्टी रोजेको बताइन् ।
